ياشعر بلغ هالقلوب الجريحه
عن مشكله مابين هالفكر والروح
وإن كان ينفع صيح ياشعر صيحه
خبر تراني داخل القلب مجروح
ياشعر نبغاها معاني صريحه
ماتحتمل تأويل او نقض وشروح
خل النقط فوق الحروف الصحيحه
قلها ولاتخشى وذي حزة البوح
ابدع تغنى بالبيوت الفصيحه
قلها بطاروقك ترا الذنب مسموح
عسى المطر يسقي ديار المليحه
يسقي منازل غالين ساكن الروح
يوم ان (سلطان الهوى) بي فضيحه
والا انا قلبي من الشعر مفضوح
القلب عيا لايطيع النصيحه
يشيل من زومات الايام ويفو٠
ياشعر خبر هالقلوب المريحه
قل لاعدمتك كيف هالكل مذبوح
هذا وهم مترديه او نطيحه
الارض فيهم للعذابات وجروح
ولو كان عيت لاتجود القريحه
ياشعر هذا بعض ماداخل الروح
إن عجبتكم أرجو التصويت لها في الأعلا .
وأبي الرد.
