منتديات أعذب النشيد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةترحب بزوارهاأحدث الصورالتسجيلدخول

 

 امونة

اذهب الى الأسفل 
كاتب الموضوعرسالة
الذيب الأزرق
منشد مساعد مدير
منشد مساعد مدير
الذيب الأزرق


تاريخ التسجيل : 21/07/2008
المشاركات : 688
نقاط : 470
الجنس : امونة I_icon10
الدولة : امونة Sa10
احترام القوانين : امونة 29088110
مزاجك : امونة Pi-ca-29
الأوسمة : امونة Caaony10

امونة Empty
مُساهمةموضوع: امونة   امونة Empty2008-08-27, 22:56

امونة

وانتى فى كل الخواتم والمياتم
والنجيمات والعواتم
ما حزنت اقول بكيتك
ونحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
وكنتى فى ليل الخوابى
تهاتى بينات الطوابى
تحاكى جقليب السعى
الجناييت خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى اللالوبة مصلبة البنيات
النسيمات الهفيف
وانت فى اللالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى
الرجوع الى أعلى الصفحة اذهب الى الأسفل
http://ksl-co.yoo7.com/
 
امونة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أعذب النشيد :: ¨°o.O (الزاوية الأدبية) O.o° :: الشعر والخواطر-
انتقل الى: