قصيدة 3

في عــز الليل ساعة النسمة بترتاح على هدب الدقش وتنوم ... أنا مساهر ..

هــدَ الحيل غرامك وإضطرار الذكرى وطيفك يحوم ... ياهاجر ..

أنا والليل في مر جفاك مساهرين نحكي بي البينا ..

لا كملت حكاوينا .. ولا لقينا البداوينا ..

أنا يامشهيني طعم النوم .. براك عارف.. وبي أدرى ..

سنين راحو والحال ياهو ذاتو الحال .. وفي جواي صدى الذكرى ..

وجرحك مهما طول وغـار .. مدبوح فيني بالفطرة ..

وجرحك ياغرام الروح لا غاب ولا بدور يبرى ... ومتين يبرى ..

بين الذكرى والنسيان مسافة قريبة ياإنسان ..

حاول إتذكر .. وجيب الماضي من أول ..

تلاقي الزمن غير ملامحنا ...

... ونحن بقينا ما نحن ...