من قصيدة أرحل
قُلت أرحل
أسوق خطواتي من زولاً نسي الإلفة
أهون ليـل
اسافر ليل
أتوه من مرفأ لي مرفأ
أبدل ريد بعـــــــد ريدك
عشان يمكن يكون أوفي
رحــــلت وجيـــــت
في بعدك لقيــــت
كل الأرض منــفي ..
عيونك زي سحابة صــيف
تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتـــــــأوه
تتوه لمن يجي الميعاد
وزي عيداً غشاني وفات
وعاد عمّ البلد أعيــــــاد
وزي فرح البعيــــد العـاد
وزي وطناً وقت أشتاقلو
بــــــــــرحل ليهو من زاد
بــــدون عينيك بصبح زول
بدون ذكري وبدون ميلاد
...
زمان الفرقة والتجـــــــــريح
بسيبو عشان تشيلو الريح
بسيبو عشان صحيح الذكري
بتتــــــوه عُمـــــــــرنا صحـيح
وإنتــــــــي معــــايا لا بنـــدم
ولا بقضي العمر تجـــــــــريح